आइतबार दिउँसो नेपाली फुटबल टिमका मुख्य प्रशिक्षक अब्दुल्लाह अलमुताइरीले सामाजिक सञ्जालमार्फत आफूले राजीनामा दिन लागेको जानकारी गराएका थिए ।
अलमुताइरी फेसबुकमा अखिल नेपाल फुटबल संघ (एन्फा)का वरिष्ठ उपाध्यक्ष पंकजविक्रम नेम्वाङका कारण आफूले राजीनामा दिन एन्फा जान लागेको बताएका थिए ।
एन्फाले भने प्रशिक्षक अलमुताइरीले आधिकारिक रुपमा राजीनामा नबुझाएको बताएको छ ।
‘अलमुताइरीले सामाजिक सञ्जाल फेसबुकमा आफूले राजीनामा दिन लागेको लेख्नु भएको छ’, एन्फा प्रवक्ता किरण राईले भने, ‘तर, आधिकारिक रुपमा उहाँको राजीनामा आएको छैन ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
