जसपामा रिसोर्ट मोह : यादव पक्षले निर्वाचन आयोगमा उपस्थित हुने अघिल्लो दिन नेताहरुलाई ललितपुरको रिसोर्टमा पुर्‌यायाे
फरकधार / १० साउन, २०७८

जनता समाजवादी पार्टी (जसपा)को विवादमा निर्वाचन आयोगले कार्यकारीणी सदस्यहरुलाई सशरीर उपस्थित हुन निर्देशन दिएपछि उपेन्द्र यादव पक्षले त्यसको तयारी गरेको छ । आयोगले सोमबारका लागि सबै कार्यकारिणी सदस्यहरुलाई बोलाएको छ । 



त्यसको अघिल्लो दिन आइतबार उपेन्द्र पक्षले आफूनिकट कार्यकारीणी सदस्यलाई ललितपुरको एक रिसोर्टमा राखेर प्रशिक्षण दिएका छन् । आफ्नो पक्षमा बहुमत (३२ जना) कार्यकारीणी सदस्य रहेको सो पक्षको दाबी छ । 

यसअघि तत्कालीन प्रधानमन्त्री केपी ओलीको समर्थनका लागि महन्थ पक्षले आफ्ना निकटका सांसदलाई भक्तपुरको एका रिसोर्टमा राखेको थियो । 



जसपाको ५१ सदस्यीय कार्यकारिणीमा बहुमतका लागि २६ जना आवश्यक पर्छ । आजको बैठकमा ३२ जना सदस्य उपस्थित रहेको यादव पक्षको दाबी छ ।



अध्यक्ष महन्थ ठाकुर पक्षले भने निर्वाचन आयोगको निर्देशनविरुद्ध सर्वोच्च अदालतमा रिट दायर गरेको छ । सो रिटमा सर्वोच्चले अन्तरिम आदेश दिन अस्वीकार गरेको छ । 

दुवै पक्षलाई आगामी १५ गते उपस्थित हुन सर्वोच्च अदालतले आदेश गरेको छ । 
 

  • प्रकाशित मिति : साउन १०, २०७८ आइतबार २०:०:३०,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया