इन्डियन प्रिमियर लिग(आइपिएल) का बाँकी खेल १९ सेप्टेम्बरबाट युएईमा हुने तय भएको छ ।
भारतीय क्रिकेट कन्ट्रोल बोर्ड(बिसिसिआई) ले विज्ञप्ति जारी गरी यस्तो जानकारी दिएको हो ।
बिसिसिआईका अनुसार आइपिएलका ३१ खेल २७ दिनको अवधिमा खेलिनेछ । पहिलाे खेल मुम्बई इन्डियन्स र चेन्नई सुपर किंग्सबीच खेल हुनेछ ।
मे महिनामा कोरोना भाइरसको संक्रमण बढेसँगै प्रतियोगिता रोकिएको थियो । फाइनल प्रतियोगिता भने १५ अक्टोबरमा हुने बताइएको छ ।
बिसिसिआईका अनुसार फाइनल खेलको दुई दिनपछि आइसिसी टि-२० वर्ल्ड कप खेलिनेछ ।
लिगकाे तालिकामा दिल्ली क्यापिटल्स शीर्ष स्थानमा रहँदा चेन्नई दोस्रो, बैंगलोर तेस्रो र मुम्बई चौथो स्थानमा रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।