अखिल नेपाल फुटबल संघ(एन्फा)का पूर्वअध्यक्ष गणेश थापाले एन्फाका वरिष्ठ उपाध्यक्ष पंकज नेम्बाङसँग कुरा नमिल्दैमा राष्ट्रिय फुटबल टोलीका प्रशिक्षक अब्दुल्लाह अलमुताइरीले राजीनामा दिनु आवश्यक नभएको बताएका छन् ।
गणेश थापाले फेसबुकमा स्टाटस राखी यस्ताे बताएका हुन् ।
थापाले लेखेका छन्,‘एन्फा वरिष्ठ उपाध्यक्ष र प्रशिक्षक अलमुतारीको बीचमा असमझदारी थियो भने आपसमा बसेर टुंग्याउनुपर्ने थियो । प्रशिक्षकलाई वरिष्ठ उपाध्यक्षसँग समस्या भएको कुरा नमिल्दैमा राजीनामा दिन आवश्यक थिए । राजीनामा समस्याको समाधान होइन ।’
‘प्रशिक्षक अलमुतारीले राष्ट्रि टिममा सुधार गर्न खोजेको प्रयासलाई प्रशंसा गर्न पनि चाहन्छु । यस्तो गम्भीर विषय उठेको अवस्थामा समस्याको समाधान नगरी एन्फा अध्यक्ष पोखरा जानु गैरजिम्मेवारपूर्ण कार्य हो । अब कुरा बाहिर आइसकेपछि सत्यतथ्य कुरा सम्पूर्ण खेलप्रेमीहरूले थाहा पाउनुपर्छ । यस्तो अवस्थामा हामी सम्पूर्ण खेलप्रेमीहरूले एकआपसमा गालीगलौज गर्नुभन्दा समस्याको समाधानतर्फ जानुपर्दछ’ थापाले थपे ।
हिजो(आइतबार) प्रशिक्षक अलमुताइरीले फेसबुकमा स्टाटस राखी राजीनामा दिने बताएका थिए । अखिल नेपाल फुटबल संघ, एन्फाका वरिष्ठ उपाध्यक्ष पंकजविक्रम नेम्वाङका कारण आफूले राजीनामा दिन लागेको पनि खुलाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
