नेकपा माओवादी केन्द्रको स्थायी समिति बैठक अहिले जारी छ । केन्द्रीय कार्यालय पेरिसडाँडामा बैठक बसेको हो ।
समसामयिक राजनीतिक विषय र सत्तारुढ गठबन्धनको भावी कार्ययोजनामा माओवादीको प्राथमिकताको विषयमा छलफल गर्नका लागि बैठक बसेको एक स्थायी समिति सदस्यले जानकारी दिएका छन् ।
पेरिसडाँडामा बैठक बोलाएर माओवादी अध्यक्ष पुष्पकमल दाहाल प्रचण्ड भने नेकपा एमालेका वरिष्ठ नेता माधवकुमार नेपाललाई भेट्न कोटेश्वर पुगेका थिए । नेपालनिवासमा प्रचण्ड र नेपालबीच राजनीतिक विषयमा छलफल भएको स्रोतले बताएको छ ।
मन्त्रिपरिषदलाई पूर्णता दिनका लागि नेपाल पक्षको सहभागिताका विषयमा प्रष्ट हुनका लागि प्रचण्ड नेपालनिवास कोटेश्वर पुगेका स्रोतले बताएको छ । नयाँ सरकार बनेको तीन सातासम्म पनि मन्त्रिपरिषदले पूर्णता पाउन सकेको छैन ।
माओवादी केन्द्रको आजको बैठकले सरकारमा पार्टीको तर्फबाट सहभागी हुने मन्त्रीहरुको नाम पनि तय गर्ने बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
