जनता समाजवादी पार्टी (जसपा)का नेता महन्थ ठाकुरले आफ्नो पक्षलाई निर्वाचन आयोगले आधिकारिकता नदिए पनि जनताले आधिकारिकता दिने बताएका छन् ।
जनकपुरमा आयोजित अगुवा कार्यकर्ता भेला कार्यक्रमलाई सम्बोधन गर्दै ठाकुरले आगामी निर्वाचनमा जनताबाट आफूहरु आधिकारिक बन्ने दाबी गरेका हुन् ।
निर्वाचन आयोगले अध्यक्ष उपेन्द्र यादव पक्षलाई आधिकारिकता दिएपछि ठाकुर कार्यकर्तामाझ गएको हो । सो क्रममा ठाकुर पक्षले शनिबार चार जिल्लामा अगुवा कार्यकर्ता भेला सम्पन्न गरेको छ।
झापा, धनुषा, पर्सा र कैलालीमा आयोजित कार्यकर्ता भेलामा ठाकुरपक्षका शीर्षनेताले सम्बोधन गरेका थिए।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।