स्वास्थ्य सेवा विभागअन्तर्गतको परिवार कल्याण महाशाखाले परीक्षामा सामेल हुने विद्यार्थीहरुलाई खोपको व्यवस्था गर्न सातै प्रदेशका जिल्ला स्वस्थ्य कार्यालयलाई परिपत्र गरेको छ ।

स्वास्थ्य तथा जनसंख्या मन्त्रालयको ०७८–४–२७ को सचिवस्तरीय निर्णयानुसार त्रिविलगायत विश्वविद्यालय स्तरका विभिन्न तहको परीक्षामा सामेल हुने विद्यार्थीलाई प्रवेश पत्रका आधारमा खोप वितरण गर्न निर्देशन दिइएको हो । 

महाशाखाका निर्देशक डा. तारानाथ पोख्रेलले जिल्ला खोप समन्वय तथा अनुगमन समितिबाट खोप केन्द्र र मिति निर्धारण गरी कोभिड १९ रोगविरुद्धको खोपको पहिलो मात्रा दिने व्यवस्था मिलाई खोप प्रदान गर्न पत्र पठाएका हुन् ।