माधव नेपाल नेतृत्वको नेकपा (एकीकृत समाजवादी) को केन्द्रीय समितिको बैठक जारी छ । चन्द्रागिरि रिसोर्टमा हिजोबाट सुरु भएको केन्द्रीय समितिको बैठक आज केहीबेरअघि सुरु भएको हो ।
यो समूहले नयाँ दल दर्ताका लागि निर्वाचन आयोगमा निवेदन दिएको छ । आयोगले भोलि ९ गतेका लागि २० प्रतिशत केन्द्रीय सदस्य पु¥याएर सनाखतका लागि हाजिर हुन भनेको छ ।
सोही अनुसार आफूहरुको बैठक चन्द्रागिरिमा बैठक जारी रहेको नेपाल समूहका नेता विरोध खतिवडाले जानकारी दिए । खतिवडाका अनुसार आज दिनभर पार्टीको नयाँ राजनीतिक प्रस्ताव र विधानमाथि छलफल हुनेछ ।
नेपाल पक्षमा एमालेका २६ जना सांसद पुगेको दाबी गरिएको छ । बैठकले अन्तरिम विधान, घोषणापत्र र नियमावली पारित गर्नेछ । नेपाल समूहका नेताहरु हिजो साँझदेखि नै चन्द्रागिरि रिसोर्टमा पुगेर बसेका छन् ।
उनीहरुलाई हिजै बेलुका पार्टीको विधान र राजनीतिक प्रस्ताव हात हातमा पुर्याइएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।