राष्ट्रिय प्रजातन्त्र पार्टी (राप्रपा)का अध्यक्ष कमल थापाले राप्रपाकाे महाधिवेशनपछि भष्ट्राचार र धर्मपरिवर्तनकाे विरुद्धमा आन्दाेलनकाे आँधीबेरी सिर्जना गर्ने बताएका छन्।

थापाले सामाजिक सञ्जाल फेसबुकमार्फत् यस्ताे बताएका हुन् । उनले देशमा राजसंस्थाकाे पुनर्स्थापना गर्नेसमेत भनेका छन् ।

उनले लेखेका छन्, ‘राप्रपा महाधिवेशनपछि हिन्दूराष्ट्र र राजसंस्थाको पुनर्स्थापना तथा भ्रष्टाचार र धर्मपरिवर्तनको विरुद्धमा आन्दोलनको आँधीबेरी सिर्जना गर्नुपर्छ । स्थानीय र संसदको चुनावबाट राप्रपालाई अग्रणी शक्ति बनाउनु पर्छ । त्यसैले समयमै जिल्ला अधिवेशन र सक्रिय सदस्य बनाउने काम सम्पन्न गरौँ ।’

राप्रपाले आगामी कात्तिक २७ देखि ३० गतेसम्म काठमाडौंमा महाधिवेशन गर्ने निर्णय गरेकाे छ ।