स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा २ हजार ४८२ जनामा कोरोना पुष्टि भएको छ ।

९,७११ पिसिआर परीक्षणमा १,८६२, जना र ५,५७९ एन्टिजेन परीक्षणमा ६२० जना गरी जम्मा २४८२ जनामा संक्रमण पुष्टि भएको हो ।

२४ घण्टामा १ हजार ७८१ जना संक्रमणमुक्त भएको मन्त्रालयले जनाएको छ । सो अवधिमा ४४ जनाको मृत्यु भएको छ । योसँगै हालसम्म १० हजार ६१२ जना संक्रमितको मृत्यु भएको छ। 

देशभर ३८ हजार २८७ जना सक्रिय संक्रमित रहेका छन्। तीमध्ये ३५ हजार २५० जना संक्रमित होम आइसोलेसनमा, ३ हजार ३७ जना संस्थागत आइसोलेसनमा, ६१० जना आइसियू र १६१ जना संक्रमित भेन्टिलेटरमा रहेको मन्त्रालयले जनाएको छ।

नेपाल संक्रमित निको हुने दर ९३ दशमलव ५ प्रतिशत रहेको मन्त्रालयले जनाएको छ  ।