नवगठित नेपाल कम्युनिस्ट पार्टी (एकीकृत समाजवादी) तत्काल सरकारमा नजाने भएको छ ।
एमालेबाट फुटेर बुधबार मात्रै दलको प्रमाणपत्र बुझेको एकीकृत समाजवादीलाई मन्त्री चयनमा सकस परेको बुझिएको छ ।
बिहीबार दिउँसो प्रधानमन्त्री शेरबहादुर देउवालाई नेपालले आफ्नो भागमा पर्ने ६ वटा मन्त्रालय छाडेर सरकार विस्तार गर्न आग्रह गरेको स्रोतले बताएको छ ।
बुधबार मात्रै पत्रकार सम्मेलन गरेर नेपालले आफ्नो पार्टी छिट्टै सरकारमा जाने घोषणा गरेका थिए ।
मन्त्रीका लागि धेरै नेता आकांक्षी देखिएपछि नेपालले आफ्नो भागमा पर्ने ६ मन्त्रालय छाडेर सरकार विस्तार गर्न प्रधानमन्त्रीलाई आग्रह गरेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
