नेपालमा दुई डोज कोरोना खोप लगाएका ९० प्रतिशतमा एन्टीबडी बनेको पाइएको छ । 

स्वास्थ्य तथा जनसंख्या मन्त्रालयले गत असार २१ देखि साउन ३० गतेसम्म १३ हजार १६१ जनामा गरेको सेरो प्रिभिलेन्स सर्भेमा यस्तो पाइएको हो । 

६८ दशमलव ६ प्रतिशत कोरोना संक्रमितमा कोभिड एन्टीबडी बनेको समेत पाइएको छ ।
 
कोरोनाको पहिलो डोज खोप लगाएका ८० प्रतिशतमा एन्टीबडी देखिएको स्वास्थ्य मन्त्रालयले जनाएको छ । 

सातै प्रदेश, हिमाल, पहाड, तराई, गाउँ–सहरका सबै लिंग, उमेर, पेसा तथा सबै समूहमा समान एन्डीबडी देखिएको स्वास्थ्य मन्त्रालयका प्रवक्ता डा. कृष्णप्रसाद पौडेलले बताए ।