मोडल तथा कलाकार निशा घिमिरेको आज साँझ मृत्यु भएको छ । नर्भिक अस्पतालमा उपचाररत घिमिरेको बुधबार साँझ ६ बजेर ५१ मिनेट जाँदा निधन भएको अस्पतालले विज्ञप्ति निकाल्दै जानकारी दिएको हो ।

‘अस्पतालको सिसियूमा उपचार गरिएको र नर्भिकले गरेका सबै प्रयासका बाबजुद मोडल घिमिरेको निधन भएको छ,’ विज्ञप्तिमा भनिएको छ, ‘हामी अत्यन्त दुखी भएका छौँ ।’

भारत भ्रमणमा दुर्घटनामा परेर घाइते भएकी निशाको २०७८ साल जेठ २७ गतेदेखि नर्भिकमा उपचार भइरहेको थियो ।

उनलाई त्यति बेला देखि नै अक्सिजनको सपोर्टमा राखिएको थियो ।

पछिल्लो समय उनको मुटु र मिर्गौला दुवैले काम गर्न छोडेको थियो ।