फ्रेन्च युवा स्टार केलियन एमबाप्पेले विश्वकप छनोटका २ खेल गुमाउने भएका छन् ।
बुधबार राति बोस्निया एन्ड हर्जगोभिना विरुद्धकाे खेलमा एमबाप्पेको दायाँ खट्टाको मांशपेशीमा समस्या देखिएको थियो ।
‘उनकाे मांशपेशीमा समस्या देखिएकाले हामीले उनलाई पिएसजी फर्कन अनुमति दिएका छौँ’, फ्रेन्च फुटबल संघले विज्ञप्तिमार्फत भनेको छ,‘उनले युक्रेन र फिनल्यान्ड विरुद्धको खेल गुमाउने पक्का भएको छ ।’
फ्रान्सले युक्रेनसँग शनिबार र फिनल्यान्डसँग मंगलबार प्रतिस्पर्धा गर्नेछ ।
विश्वकप युरोपियन छनोटको समूह ‘डी’मा रहेको फ्रान्स ४ खेलबाट ८ अंक जोड्दै शीर्ष स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।