प्रमुख प्रतिपक्षी दल नेकपा एमालेले प्रतिनिधिसभाको बैठक अवरुद्ध जारी गरेको छ । प्रतिनिधिसभाको नवौं अधिवेशनको पहिलो बैठकमा एमालेले सभामुखको भूमिकाप्रति प्रश्न उठाउँदै बैठक अवरुद्ध गरेको थियो ।
लगत्तै सभामुख अग्निप्रसाद सापकोटाले बैठक १५ मिनेटका लागि स्थगित गरेका थिए । १५ मिनेटपछि सुरु भएको अर्को दोस्रो बैठकमा पुनः अवरोध कायम गरेपछि बैठक पुनः १५ मिनेटका लागि स्थगित गरिएको छ ।
सभामुख सापकोटाले पुनः बैठक स्थगित गरिएको जानकारी दिएका छन् ।
‘मैले संविधान, नियम कानुनको बर्खिलाप केही गरेको छैन, त्यसकारण सदन संचालन गर्न दिनुस्’ भन्दै आग्रह गरेका थिए । यद्यपि, एमालेका सांसदहरुले ‘संसदको मर्यादा कायम गर, पक्षपातपूर्ण व्यवहार बन्द गर,’ लगायतका नारा लगाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।