माधव नेपाल नेतृत्वको नेकपा (एकीकृत समाजवादी) बागमती प्रदेशको पहिलो संसदीय दलको बैठक आज बस्दैछ । आधिकारिक रूपमा विभाजनको चिठी आएसँगै संसदीय दलको बैठक बस्न लागिएको हो ।
आजै बस्ने बैठकमा संसदीय दलको नेता चयन गर्ने बुझिएको छ । साथै सचेतक पनि आजै नियुक्त हुने नेताहरूले बताएका छन् ।
बागमती प्रदेशकी मुख्यमन्त्री अष्टलक्ष्मी शाक्यविरुद्ध अविश्वास प्रस्ताव प्रदेशसभामा लैजाने तयारी भएको छ ।
दलको बैठकका लागि संसदीय दलको कार्यालय पनि प्रदेशसभा सचिवालयले खोलिसकेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
