विश्व नम्बर दुई रसियन खेलाडी डानिल मदभेदेवले युएस ओपन टेनिसको पुरुष एकलतर्फको उपाधि हात पारेका छन् ।

मदभेदेवले सोमबार बिहान भएको फाइनलमा विश्व नम्बर एक सर्बियन खेलाडी नोभाक जोकोभिजलाई सोझो सेटमा पराजित गर्दै आफ्नो करिअरको पहिलो ग्राण्डस्लाम उपाधि उचाले ।

मदभेदेवले तीनै सेटमा समान ६-४ को जित निकाले । पराजयसँगै यो वर्ष अस्ट्रेलियन ओपन, फ्रेन्च ओपन र विम्वल्डनको उपाधि हात पारेका जोकोभिचको  कीर्तिमानी २१ औँ ग्राण्डस्लाम उपाधि हात पार्ने सपना अधुरै बनेको छ ।

यदि यो खेल जितेको भए जोकोभिचले राफाल नाडाल र रोजर फेडेररलाई पछि पार्ने थिए ।