नेकपा एमाले अध्यक्ष केपी शर्मा ओलीले अब माधवकुमार नेपालको राजनीति सकिएको टिप्पणी गरेका छन् । नेकपा एकीकृत समाजवादीका अध्यक्ष नेपालले पार्टी फुटाएर गएकाले अब जनताले उनलाई भोट नदिने ओलीले बताएका हुन् ।
‘माधव नेपालले त वडा अध्यक्ष के अब वडा सदस्य पनि जित्दैनन्,’ झापामा आयोजित एक कार्यक्रममा ओलीले भने, ‘अब माधवकुमार नेपाललाई जनताले किन भोट हाल्ने ? पार्टी फुटाएकाले ?’
झापामा कार्यकर्ता भेलालाई सम्बोधन गर्दै पूर्वप्रधानमन्त्रीसमेत रहेका ओलीले एमाले फुटाउन खोजेका प्रतिक्रियावादीको मुटु अहिले हल्लिएको पनि बताएका छन् ।
उनले नेकपा एमाले माधवकुमार नेपालले बनाएको पार्टी नभएको भन्दै माधव नेपालले कम्युनिस्ट इतिहासमा निकै ठूलो गल्ती गरेको पनि बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।