च्याम्पियन्स लिग अन्तर्गत बुधबार राति भएको खेलमा डच क्लब आयाक्सले पोर्चुगिज टोली स्पोर्टिङ सिपीमाथि ५–१ को शानदार जित दर्ता गरेको छ ।
आयाक्सको जितमा सेबास्टियन हेलारले ४ र स्टिभन बर्गुइसले १ गोल गर्दा घरेलु टोली स्पोर्टिङका लागि पाउलिन्होले १ गोल फर्काए ।
खेलको दोस्रो मिनेटमा हेलारले आयक्सलाई अग्रता दिलाए । नवौँ मिनेटमा उनैले नै टोलीको अग्रता दोब्बर बनाए ।
३३ औँ मिनेमा पाउलिन्होले गोल गर्दै स्पोर्टिङलाई २–१ को अवस्थामा ल्याए । ३९ औं मिनेटमा बर्गुइसले आयाक्सका लागि तेस्रो गोल गरे ।
५१ औँ मिनेटमा हेलारले आफ्नो ह्याट्रिक पूरा गर्दा आयाक्स ४–१ ले अगाडि बढ्यो । ६३ औँ मिनेटमा हेलारले नै व्यक्तिगत चौथो तथा टोलीका लागि पाँचौ गोल गरे ।
जितसँग आयक्सले समूह ‘सी’मा ३ अंक जोड्दा स्पोर्टिङले हारबाट प्रतियोगिताको सुरुवात गरेको छ ।
यही समूहको अर्को खेलमा बोरुसिया डर्टमन्डले बेसिक्तासमाथि २–१ को जित दर्ता गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
