अफगानस्तानको जुनियर महिला फुटबल टोली भागेर पाकिस्तान पुग्यो
फरकधार / ३१ भदौ, २०७८

अफगानिस्तानको जुनियर महिला फुटबल टिमका ३२ खेलाडीहरू पाकिस्तान पुगेका छन् । 



तीन साताअघि अफगानिस्तान छाड्न असफल भएका उनीहरू बुधबार पाकिस्तान पुगेका हुन्। 

तालिबानले सत्ता कब्जा गरेपछि उनीहरू काबुलमा लुकेर बसेका थिए । तीन साताअघि देश छाड्ने योजनामा रहेपनि उनीहरू कागजपत्र जुटाउन असफल भएका कारण देश छोड्न सकेका थिएनन् । 

पाकिस्तानका सूचना मन्त्री फवाद हुसेन चौधरीले अफगानिस्तानका फुटबल खेलाडीलाई तोर्खाम बोर्डरमा स्वागत गरेको जानकारी दिएका हुन् । 



उनीहरूसँग अफगानिस्तानको पासपोर्ट भएको र पाकिस्तानले भिसा दिएको मन्त्री चौधरीको भनाइ छ । तालिबानले उनीहरूलाई धम्की दिएपछि पाकिस्तानले आकस्मिक भिसा दिएको हो ।  

यसअघि अफगानिस्तानका सिनियर महिला फुटबलर २४ अगस्टमा अस्ट्रेलिया पुगेका थिए । त्यतिबेला कागजपत्र जुटाउन नसक्दा जुनियर महिला फुटबलर काबुलमै लुकेर बस्नु परेको थियो ।

तालिबानको धम्कीले अफगानस्तान महिला खेलाडी लुकेर बस्न बाध्य भएका छन् । तीनै मध्ये केही खेलाडी भने विदेशी देशमा शरण लिन पनि पुगेका छन् । 

अफगानस्तानमा तालिबानले सत्ता कब्जा गरे पछि महिला खेलाडीलाई खेलकुदमा रोक लगाएको हो । रोक लगाएपछि अफगानस्तानका महिला क्रिकेटर भने अझै पनि काबुलमा नै लुकेर बसिरहेका छन् ।

पछिल्लो समय अफगानस्तानको अन्तराष्ट्रिय खेलमा वरीयता तथा स्तर मान्यतामा पनि समस्या भएको छ । 
 

  • प्रकाशित मिति : भदौ ३१, २०७८ बिहीबार १३:५६:३४,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया