विराटनगर वारिवर्सले चौंथो संस्करणको एभरेस्ट प्रिमियर लिग (इपिएल) टी-ट्वान्टी क्रिकेट प्रतियोगिताका लागि मनोज कटवाललाई मुख्य प्रशिक्षक नियुक्त गरेको छ ।
विराटनगरले बिहीबार कटवाललाई मुख्य प्रशिक्षक नियुक्त गरेको जानकारी दिएको हो ।
नेपाल पुलिस क्लबका प्रशिक्षक रहेका कटवालले यस अघि पोखरा प्रिमियर लिग (पिपिएल)को फ्रेन्चाईच टिम चितवन राइनोजको मुख्य प्रशिक्षक भएर काम गरिसकेका छन् । उनले टोलीलाई दोस्रो संस्करणको उपाधि समेत दिलाएका थिए ।
नेपाली राष्ट्रिय टोलीका पूर्व खेलाडी कटवालले राष्ट्रिय टिमको सहायक प्रशिक्षकको रूपमा समेत काम गरिसकेका छन् ।
चौंथो संस्करणको इपिएल क्रिकेट असोज ९ गतेदेखि असोज २३ गतेसम्म कीर्तिपुरस्थित त्रिवि क्रिकेट मैदानमा हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।