स्पेनिस ला-लिगा अन्तर्गत शनिबारको खेलामा १० खेलाडीमा सीमित साविक विजेता एट्लेटिको मड्रिड बराबरीमा रोकिएको छ ।
एट्लेटिकोले घरेलु मैदान वान्डा मेट्रो पोलिटानोमा एथ्लेटिक क्लब बिल्वाओसँग गोलरहित बराबरी खेलेको हो ।
प्रतिस्पर्धात्मक खेलमा दुवै टोलीले गोलका केही सुवर्ण अवसर खेर फाल्दा अंक बाढ्न बाध्य बने । १५ औं मिनेटमा एन्टोइन ग्रिजम्यानले सुवर्ण अवसर खेर फाल्दा एट्लेटिको अग्रता लिनबाट चुक्यो ।
४७ औं मिनेटमा रेनान लोडीको पासमा एन्जल कोरेआको प्रहारलाई बिल्वाओका गोलरक्षक युनाई सिमोनले बचाए ।
४९ औं मिनेटमा जोस जिमिनेजको गल्तीमा इनाकी विलियम्सले सुवर्ण अवसर खेर पाल्दा बिल्वाओले अग्रता लिन सकेन ।
७८ औं मिनेटमा घरेलु टोली एट्लेटिको १० खेलाडीमा सीमित बन्न पुग्यो । जोओ फिलिक्स दोहोरो पहेँलो कार्ड खाँदै मैदानबाट बाहिरिए ।
९० औं मिनेटमा एलेक्स बेरेनगुएरले सुवर्ण अवसर खेर पाल्दा बिल्वाओ जितबाट वञ्चित बन्यो ।
बराबरीमा रोकिए पनि एट्लेटिकोे एक खेल कम खेलेका रियल म्याड्रिड र भ्यालेन्सियालाई १ अंकले पछि पार्दै शीर्षस्थानमा उक्लिएको छ ।
अपराजित रहेको एट्लेटिकोले ३ जित र २ बराबरीका साथ ११ अंक जोडेको छ । रियल र भ्यालेन्सियाको समान १० अंक छ । बिल्वाओ ९ अंकसहित चौथो स्थानमा छ ।
लिग अन्तर्गत शनीबार राति भएका अन्य खेलमा रायो भालेकानोले गेटाफेमाथि ३-० र ओसासुनाले डिपोर्टिभो एलाभेसमाथि २-० जित हात पार्दा इल्चे र लेभान्टेले १-१ को बराबरी खेलेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
