साताको कारोबारको पहिलो दिन सेयर बजार परिसूचक नेप्से फेरि पहिरो गएको छ । सोमबार पनि बजारमा नेप्से सूचक ११४.०२ अंकले घटेर २६९८.२५ विन्दुमा झरेको छ । बजार समग्रमा ४.०५ प्रतिशतले घटेको हो । 

केही समय रिकभर भएर २७४१ अंकसम्म पुगेको थियो । २८१२ अंकबाट झरेको बजार एकै पटक २६९८ मा बन्द भएको हो । सबै समूह राताम्य हुँदा फाइनान्स, हाइड्रोपावर र विकास बैंक समूह अझ उच्चदरमा घटेका छन् । 

कारोबार रकम अघिल्लो साताको अन्तिम दिनहरूको तुलनामा बढेको छ । ८ अर्ब ४९ करोड ३४ लाख रुपैयाँभन्दा बढीको सेयर कारोबार भएको छ । सोमबार बजारमा १ करोड ७३ लाख ३० हजार ५३८ कित्ता सेयर कारोबार भएको छ ।