आईसीसी विश्व क्रिकेट लिग–२ अन्तर्गत ओमान र अमेरिका सम्मिलित एकदिवसीय अन्तर्राष्ट्रिय त्रिकोणात्मक सिरिजमा सहभागी भएर नेपाली टोली मंगलबार बिहान स्वदेश आइपुगेको छ ।
नेपाली टोलीलाई क्यानका पदाधिकारीले त्रिभुवन अन्तर्राष्ट्रिय विमानस्थलमा स्वागत गरे ।
ओमानको अल अमिरात क्रिकेट मैदानमा भएको सिरिजका ४ खेलमा नेपालले समान दुई–दुई जित र हारको नतिजा निकाल्यो ।
सिरिजको पहिलो खेलमा अमेरिकालाई ५ विकेटले हराएको नेपाल दोस्रो खेलमा ओमानसँग ५ तथा तेस्रो खेलमा नेपाल अमेरिकासँग ६ विकेटको पराजित भएको थियो ।
सिरिजको अन्तिम खेलमा नेपालले आयोजक ओमानमाथि ७ विकेटको सहज जित हात पारेको थियो ।
नेपाल लिग–२ अन्तर्गतका ८ खेलमा समान चार–चार जित र हारको नतिजा सहित ८ अंक जोड्दै चौथो स्थानमा छ ।
त्रिकोणात्मक सिरिजअघि नेपाली टोलीले पपुवा न्युगिनीविरुद्ध दुई खेलको एकदिवसीय अन्तर्राष्ट्रिय सिरिज खेलेको थियो । नेपालले सिरिज २–० ले आफ्नो पक्षमा पारेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।