नेपाली चलचित्र ‘घिन्ताङ’को छायांकन सुरु भएको छ । चलचित्रको पनौतीबाट छायांकन सुरु भएको भएको हो ।

दीपक श्रेष्ठ निर्माता तथा निर्देशक रहेको घिन्ताङमा गौरव पहारी, केकी अधिकारी, निर शाह, मदनकृष्ण श्रेष्ठ, रमेश अधिकारी, संगम भण्डारी र दीपाश्री निरौलाको मुख्य भूमिका रहने छ । संकल्प भुजेलको छायांकन रहने चलचित्रमा दीपक शर्माले संगीत गर्ने छन् ।

९ वर्षपछि चलचित्र क्षेत्रमा फर्किएका श्रेष्ठले यो चलचित्रलाई पृथक बनाउने कोसिस गरिरहेको बताए । ६० लाख बजेटमा निर्माण हुन लागेको चलचित्रको प्रस्तुतकर्ता राज लामा हुन् । पनौतीपछि यो चलचित्रको छायांकन फर्किङमा हुनेछ ।