पोर्न फिल्म निर्माण र कारोबारको आरोपमा दुई महिनादेखि मुम्बई प्रहरीको हिरासतमा रहेका बलिउड नायिका शिल्पा शेट्टीको पति राज कुन्द्रा जमानतमा छुटेका छन् । 
राजले ५० हजार भारतीय रुपैयाँ धरौटी राखेपछि अदालतले उनलाई मंगलबार हिरासत मुक्त गरेको हो । 

गत जुलाई १९ का दिन मुम्बई प्रहरीले राजलाई पोर्न फिल्म निर्माण र कारोबारको आरोपमा पक्राउ गरेको थियो । त्यसपछि उनलाई आर्थर रोड जेलमा राखिएको थियो । जेलका अधिकारका अनुसार उनलाई मंगलबार साढे ११ बजे रिहा गरिएको थियो । 

राजसँगै पक्राउ परेका रेयान थोर्पेलाई पनि अदालतले जमानतमा छोडेको छ ।