पहिरोमा परेर गुल्मीमा एकै परिवारका तीन जनाको मृत्यु भएको छ। गएराति अविरल वर्षासँगै पहिरो गएको हो । 

पहिरोमा परी रेसुङ्गा नगरपालिका-८ खानिगाउँ थुम्का लाइनका तिलक परियारका तीन छोरीहरू २१ वर्षीया भावना परियार, १४ वर्षीया गंगा परियार र १४ वर्षीया जमुना परियारको मृत्यु भएको प्रहरीले जनाएको छ। 

पहिरोले एकतले पक्की घर पुरिँदा कोठामा सुतिरहेका तीन दिदी बहिनीको मृत्यु भएको हो। तिलक उनकी श्रीमती र एक छोरी भने सकुशल छन्। 

स्थानीयवासी, नेपाली सेना र नेपाल प्रहरीको टोलीले तीन जनाकै शव निकालेर जिल्ला अस्पतालमा लगिएको छ ।