राष्ट्रिय सभा सदस्य कोमल वलीले प्रतिनिधिसभामा अहिले भइरहेको गतिविधिलाई अनावश्यक भएको बताएकी छिन् । उनले अहिले सभामुख इमान्दार नभएको र कुर्चीको महत्व राख्न नसकेको पनि बताएकी छिन् ।

अहिले प्रतिनिधि सभालाई सभामुखले बिरामी बनाएको आरोप पनि उनले लगाएकी छिन् ।

‘मेडिकल साइन्सका अनुसार चिनीरोग लागेको मान्छेमा समयमा यो नियन्त्रण नहुँदा अरु पनि समस्या देखिन्छन्,’ उनले भनेकी छिन्, ‘त्यसैले समयमा नै यसको नियन्त्रण गर्न जरुरी छ ।’

ओलीले ज्वरो आएको मानिस सबैलाई पानी पट्टी लगाएर मात्र ठिक नहुने बताउँदै कसैलाई एन्टिबायोटिक दिनु पर्ने र कसैको अरु अंगमा समस्या देखिएको रहेछ भने अपरेसन नै गर्नु पर्ने आवश्यकता पनि हुनसक्ने बताएकी छिन् ।

‘अहिले प्रतिनिधि सभा बिरामी छ,’ उनले भनिन्, ‘यसलाई ठिक लगाउन अब एन्टिबायोटिकले मात्र काम गर्दैन, अपरेसन नै गर्नुपर्छ । अपरेसन गर्नु भनेको सभामुखले राजीनामा दिनु हो ।’