भूमि आयोग विघटनविरुद्ध दायर भएका चारवटा रिटको न्यायाधीशद्वय डा.आनन्दराज भट्टराई र टङ्कबहादुर मोक्तानको संयुक्त इजलासमा सुनुवाइ हुँदैछ ।
भूमि आयोगका तत्कालीन अध्यक्ष देवी ज्ञवाली, अधिवक्ता प्रवेश केसी, एकबहादुर ल्वागुन र रोजन खड्काले रिट दायर गरेका हुन् ।
रिटमार्फत् निवेदकहरूले कार्यवधि नसकी आयोग विघटन गरेको जिकिर गर्दै विघटनको निर्णयलाई बदर गर्न माग गरेका छन् ।
२५ साउनमा न्यायाधीश ईश्वरप्रसाद खतिवडाको एकल इजलासले अन्तरिमसँगै अल्पकालीन आदेश जारी गरेको थियो ।
न्यायाधीशद्वय ईश्वरप्रसाद खतिवडा र बमकुमार श्रेष्ठको संयुक्त इजलासले २१ भदौमा ‘लगाउमा राखी पेसी गर्ने’ आदेश जारी गरेको थियो ।
पाँच दलीय गठबन्धन सरकारको नेतृत्व गरेका शेरबहादुर देउवाले ११ साउनमा आयोगलाई विघटन गरेका थिए । आयोगका तत्कालीन अध्यक्ष ज्ञवाली चितवनका एमाले नेता हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
