नेपाल प्रहरीको केन्द्रीय अनुसन्धान ब्यूरो (सिआइबी)ले संरक्षित वन्यजन्तु गैंडाको खागसहित एक जनालाई पक्राउ गरेको छ ।
वन्यजन्तु तथा वनस्पतिसँग सम्बन्धित अपराध अनुसन्धान तथा नियन्त्रणका लागि खटिएको टोलीले विशेष सूचनाकाे आधारमा काठमाडाैंकाे गौशालाबाट पक्राउ गरेको हो ।
पक्राउ पर्नेमा ललितपुरको लगनखेल बस्ने निकेश बस्नेत रहेका छन् ।
प्रहरीले उनलाई ४५ ग्राम गैंडाको खागसहित पक्राउ गरेको जनाएको छ । पक्राउ गरेका बस्नेतलाई थप कारबाहीको लागि डिभिजन वन कार्यालय हात्तीसारमा पठाइएको सिआइबीका प्रवक्ता श्याम महतोले जनाए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
