१६ वर्षीया किशोरीलाई जबरजस्ती करणी गरेको अभियोगमा बर्दियाको मधुवन नागरपालिका-१ कुसुम्बा बस्ने २४ वर्षीय सुरेश मगरलाई प्रहरीले पक्राउ गरेको छ । 

मगरले गत साउन २४ गतेदेखि असोज ६ गतेसम्म ती किशोरीलाई बिवाह गर्छु भन्दै ललाई फकाई आफ्नै घरमा लगि जबरजस्ती करणी गरी कुटपिट तथा धाकधम्की समेत दिने गरेको खबर पाएपछि इलाका प्रहरी कार्यालय ढोढरीबाट खटिएको प्रहरीले उनलाई पक्राउ गरेको हो । 

यस्तै डडेल्धुरामा १३ किशोरीलाई जबरजस्ती करणी गरेको अभियोगमा २ जनालाई प्रहरीले पक्राउ गरेको छ । पक्राउ पर्नेहरुमा पर्शुराम नगरपालिका-१० बस्ने २३ वर्षीय रामसिंह ठगुन्ना र दार्चुला नौगाड गाउँपालिका-५ घर भएका २७ वर्षीय जगदिश धामी रहेका छन् । 

ती किशोरीलाई दुई जना अपरिचित केटाहरूले असोज ५ गते बलात्कार गरी भागेको खबर पाएपछि इलाका प्रहरी कार्यालय जोगबुढाबाट खटिएको प्रहरीले घटनामा संलग्न दुवै जनालाई नियन्त्रणमा लिएको हो ।