गत २४ घण्टामा देशभर ९५३ जनामा कोरोना संक्रमण पुष्टि भएको छ ।

७ हजार ५० पीसीआर गर्दा ७ सय ९० र ३ हजार ५२९ एन्टीजेन परीक्षण गर्दा १ सय ६३ जनामा कोरोना पुष्टि भएको हो ।  

योसँगै नेपालमा कोरोना संक्रमतिको संख्या ८ लाख ८१ हजार १ सय ५ पुगेको छ । त्यस्तै, आज कोरोनाबाट ६ जनाको मृत्यु भएको छ । हालसम्म नेपालमा ११ हजार ८७ जनाले कोरोनाका कारण ज्यान गुमाएका स्वास्थ्य तथा जनसंख्या मन्त्रालयले जनाएको छ । 

पछिल्लो २४ घण्टामा १ हजार ३ सय ७१ संक्रमित कोरोनामुक्त भएका छन् । योसँगै नेपालमा कोरोनामुक्त हुनेको संख्या ७ लाख ५९ हजार ८ सय ७५ पुगेको छ ।