बिहीबारबाट सुरु भएको नेकपा एमालेको केन्द्रीय कमिटी बैठकमा उपमहासचिव घनश्याम भुसालले तीनबुँदे फरक मत राखेका छन् ।
आगामी विधान महाधिवेशनको एजेण्डाहरु तय गर्नका लागि बोलाइएको बैठकमा एमाले अध्यक्ष केपी शर्मा ओलीको राजनीतिक प्रतिवेदनमाथि उपमहासचिव भुसालले टिप्पणी गर्दै तीनबुँदे फरक मत राखेका हुन् ।
ओलीले पेस गरेको राजनीतिक प्रतिवेदनमा जबजबारे अस्पष्टता रहेको, संसद विघटनबारे प्रस्ट दृष्टिकोण नभएको र समाजवादबारे पार्टी अलमलमा परेको भुसालको ठहर छ ।
माधव नेपाल समूहमा रहेका तर एमाले विभाजनमा उनलाई साथ नदिएका नेताहरुले केन्द्रीय कमिटी बैठकमा असन्तुष्टि राखेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
