बजारमा सुनको माग बढ्याबढ्यै भएपछि नेपाल राष्ट्र बैंकले कडाइ गरेको छ ।  अहिले नीतिअनुरूप दैनिक २० किलो सुन आयातको सीमा तोकिएको छ । तर, २० किलोले नपुगेको भन्दै व्यवसायीहरूले निरन्तर दबाब दिन थालेपछि सुन खपतको बजारबारे बैंकले अध्ययन थालेको हो ।
 
नेपाल राष्ट्र बैंक विदेशी विनिमय व्यवस्थापन विभागले सुनचाँदी व्यवसायीहरूसँग कसले कसरी सुन लगिरहेको छ भनेर अनुसन्धान सुरु गरेको छ । 

राष्ट्र बैंकले सात दिनको समय दिएर सुनचाँदीका संगठनहरूमार्फत् सुनचाँदी लैजाने व्यवसायीको विवरण माग गरेको थियो । सो समय पनि नाघिसकेको बताइन्छ । व्यवसायीले कोभिडलाई देखाएर तथ्यांक दिन आनाकानी गरिरहेको राष्ट्र बैंककाे स्रोत बताउँछ ।