गायक रामकृष्ण ढकाल नयाँ गीत लिएर स्रोतामाझ आएका छन् । पछिल्लो पटक उनको स्वरमा ‘माछीले चलायो पानी’ बोलको गीत सार्वजनिक भएकाे हो। सार्वजनिक गीतमा गायक ढकालसँग गायिका अन्जु पन्तले गायनमा सहकार्य गरेकी छन् ।

गीत ऋषिराम देवकोटाले लेखेका हुन् । गीतमा आलोकश्रीको संगीत सुन्न सकिन्छ । रोमान्टिक शैलीको गीतको म्युजिक भिडियो पनि सार्वजनिक गरिएको छ ।

म्युजिक भिडियोमा अभिनेता दिलिप रायमाझीले अभिनय गरेका छन् । दिलिपसँग मोडल गरिमा शर्माले स्क्रिन सेयर गरेकी छन् । भिडियोमा प्रेमी-प्रेमिकाले मिलनको क्षण सम्झिएर कल्पिएको मिठास प्रस्तुत गरिएको छ । प्रेमिका भेट्न हिँडेका दिलिप र प्रेमीको पर्खाइमा रहेकी गरिमाको केमेस्ट्री जमेकाे देखिन्छ।

गुञ्जन इन्टरटेन्मेन्टले निर्माण गरेको भिडियोमा नवराज उप्रेतीको छायाँकन, भरत रेग्मीको सम्पादन छ । म्युजिक भिडियो निर्देशन मौसम हिमालले गरेका हुन् ।