जर्मनीमा भएको चेम्निज ओपन कराँते च्याम्पियनसिपमा नेपालले ४ स्वर्ण पदक जितेको छ । ४ स्वर्णका अलावा नेपालले थप २ कास्य पदक पनि जितेको छ । प्रतियोगितामा ३ नेपाली खेलाडीले सहभागिता जनाएकोमा सबैले दोहोरो पदक जित्न सफल भएका हुन् । ​

मण्डेकाजी श्रेष्ठले दोहोरो स्वर्ण जितेका छन् । उनले पुरुष सिनियर एकल काता र ३० वर्षमाथि उमेरसमूहमा स्वर्ण जितेका हुन् । मण्डेकाजी १३ औं दक्षिण एसियाली खेलकुद प्रतियोगिता (साग) का दोहोरो स्वर्ण विजेता पनि हुन् । 

सागकै कास्य विजेता मुकुन्द्र महर्जनले कुमुतेको पुरुष ७५ केजीमुनि कास्य तथा ३० वर्षमाथि स्वर्ण जितेका छन् । त्यस्तै सुमन तिमल्सिनाले पुरुष सिनियर एकल कातामा कास्य तथा आफ्नो उमेरसमूहमा स्वर्ण हात पार्न सफल भएको अफिसियल स्वच्छम् गुरुङले वानकारी दिए । 

अक्टोबर २ तारिखमा भएको प्रतियोगितामा जर्मन, पोल्यान्ड, अस्ट्रिया, अजरबैजान, इरान, नेदरल्यान्ड, स्पेन, बेल्जियमलगायतका राष्ट्रको सहभागिता रहेको थियो ।