बलिउड अभिनेता साहरुख खानका छोरा आर्यन खानलाई त्यहाँको एक अदातले जमानतमा छाड्न अस्वीकार गरेको छ । योसँगै अब साहरुखका छोरा आर्यन कम्तिमा पनि ७ अक्टोबरसम्म प्रहरी हिरासतमा रहने भएका छन् ।

यसअघि आर्यनका वकिलले उनको च्याटका कारण मात्र उनी पक्राउ परेको भन्दै उनलाई छोड्नु पर्ने दलील पेश गरेका थिए । 

तर, अदालतले आर्यन पार्टीमा गएको, उनको साथबाट लागुऔषध पनि बरामद गरिएको र उनको च्याटमा उनले लागुऔषध ओसारपसार गर्ने व्यक्ति र किनबेच गर्ने व्यक्तिसँग च्याट गरेको देखिएको जनाएको छ । 

प्रहरीले पनि आर्यनसँग लागुऔषध नै बरामद गरिएको दाबी गरेको छ । उनीसँगै पक्राउ परेको अन्य आठ जनालाई पनि प्रहरीले तत्काल छाड्ने देखिँदैन ।