दसैँको पहिलो दिन आज नेपाली बजारमा सुनको मूल्य प्रतितोला ५०० सय रुपैयाँले वृद्धि भएको छ । छापावाल सुन बुधबार प्रतितोला ८९ हजार ९०० रुपैयाँमा कारोबार भएको थियो ।

नेपाल सुनचाँदी व्यवसायी महासंघले सार्वजनिक गरेको तथ्यांकअनुसार आज छापावाल सुनको मूल्य प्रतितोला ९० हजार ४०० तोकिएको छ ।

त्यस्तै, तेजाबी सुनको बजार मूल्य आज प्रतितोला ८९ हजार ९५० पुगेको छ । बुधबार प्रतितोला ८९ हजार ४५० रुपैयाँमा तेजाबी सुनको कारोबार भएको थियो ।

महासंघका अनुसार लगातार चार कारोबार दिन स्थिर रहेको चाँदीको मूल्य आज प्रतितोला १० रुपैयाँले बढेर १ हजार १७० रुपैयाँमा कायम भएको छ । चाँदी बुधबार प्रतितोला १ हजार १६० रुपैयाँमा कारोबार भएको थियो ।