नेकपा एमालेबाट एकीकृत समाजवादीमा प्रवेश गरेका नेता भानुभक्त जोशीलाई सो पार्टीले स्थायी समिति सदस्य बनाउने भएको छ ।
जोशी बिहीबार मात्रै एकीकृत समाजवादीमा प्रवेश गरेका थिए । राजधानीको नयाँ बानेश्वरस्थित अर्पण पार्टी प्यालेसमा आयोजित कार्यक्रममा जोशीलाई अध्यक्ष माधव नेपालले खादा ओढाएर पार्टी प्रवेश गराएका थिए ।
माधव नेपाल एमालेमै हुँदा उनलाई साथ दिए पनि जोशीले नेपालले नयाँ दल दर्ता गरेपछि भने उनलाई साथ नदिई एमालेमै बसेका थिए ।
नेपाल समूहमा रहेर १० बुँदे सहमति कार्यान्वयनको माग गर्दै आएका जोशीले केही दिनअघि एमालेको केन्द्रीय सदस्यबाट राजीनामा दिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
