खाद्य व्यवस्था तथा व्यापार कम्पनीले शनिबारदेखि खसीबोका बिक्री गर्ने भएको छ । दसैंका लागि खाद्यले यसका लागि दाङ र हेटौंडाबाट ल्याएको खसीबोका बिक्री गर्ने जनाएको छ ।
कम्पनीका नायब महाप्रबन्धक श्रीमणि खनालका अनुसार अहिले ५३० खसीबोका काठमाडौं आइपुगेको छ । खसीबोकाको मूल्य निर्धारण गरेर शनिबारदेखि खसीबोका बिक्री गर्ने उनको भनाइ छ ।
कम्पनीले दसैंमा दुई हजार खसीबोका बिक्री गर्ने बताइएको छ । जसमा हेटौंडाबाट १२ सय र दाङबाट ८ सयवटा खसीबोका खरिद गरेको कम्पनीले जानकारी दिएको छ।
यस्तै चौपाया खरिद बिक्री संघले आइतबारदेखि बिक्री थाल्ने बताएको छ । संघले जिउँदोमा किलोको ६५० तोकेको छ । १० रुपैयाँ छुट दिइने भएकाले प्रतिकिलो ६४० मा पाइने जनाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
