नेकपा एमालेका नेता तथा पूर्वमन्त्री गोकुलप्रसाद बाँस्कोटाले प्रधानमन्त्री शेरबहादुर देउवा नेतृत्वको गठबन्धन सरकारले सुकुम्बासीलाई ताकिताकी ‘कालपुर्जा’ दिएको बताएका छन् । 

उनले सामाजिक सञ्जालमार्फत एमाले सरकारमा हुँदा भूमिहीन सुकुम्वासीलाई खोजीखोजी लालपुर्जा दिएको दाबी समेत गरेका छन् । 

‘एमाले सरकारमा हुँदा भूमिहीन सुकुम्वासीलाई खोजीखोजी लालपुर्जा, कांग्रेस माओवादी सरकारमा हुनासाथ ताकिताकी कालपुर्जा दिने रहेछ। धन्य परमादेशी अग्रगमन!,’ बाँस्कोटाले ट्वीटर मार्फत भनेका छन् । 

आइतबार रुपन्देहीको बुटबलमा प्रदर्शनमा उत्रिएका सुकुम्बासीमाथि प्रहरीले गोली चलाउँदा चार जनाको मृत्यु र दर्जनौं घाइते भएपछि बाँस्कोटाले सरकारप्रति यस्तो कटाक्ष गरेका हुन् ।