कोलकाता नाइट राइडर्स इन्डियन प्रिमियर लिग (आईपीएल) को क्वालिफायरमा प्रवेश गरेको छ ।
गएराति भएको खेलमा बैंग्लोरलाई ४ विकेटले पराजित गर्दै कोलकाताले दोस्रो क्वालिफायरमा दिल्लीसँगको भेट पक्का गरेको हो । यो खेलको विजेताले उपाधिका लागि चेन्नई सुपर किंग्ससँग प्रतिस्पर्धा गर्नेछ ।
बैंगलोरले दिएको १ सय ३९ रनको सामान्य लक्ष्य कोलकाताले १९.४ ओभरमा ६ विकेट गुमाएर भेट्टायो ।
कोलकाताको जितमा सुबमन गिलले सर्वाधिक २९ रन बनाए भने सुनिल नारिनले २६, वेन्कातेस अय्यरले २६, नितिश राणाले २३ र दिनेश कार्तिकले १० रनको योगदान गरे ।
बैंग्लोरका हर्सल पटेल, मोहमद सिराज र युजभेन्द्र चाहलले २÷२ विकेट लिए ।
यसअघि पहिले ब्याटिङ गरेको बैंगलोरले २० ओभरमा ७ विकेट गुमाएर १३८ रन बनाएको थियो । बैंगलोरका कप्तान विराट कोहलीले ३९, देबदुत पडिकलले २१, ग्लेन म्याक्सवेलले १५, साहबाज अहमेदले १३ र एबी डी भिलियर्सले ११ रन बनाए ।
बैंग्लोरलाई सस्तैमा समेट्न कोलकाताका सुनिल नारिन एक्लैले ४ विकेट लिए भने लक्की फर्गुसनले २ विकेट हात पारे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
