मुगुमा बस दुर्घटनामा परी घाइते भएकाहरूको हेलिकप्टर मार्फत उद्धार गर्न लागिएको छ । त्यसका लागि सुर्खेतबाट सेनाको हेलिकप्टर मुगुतर्फ लागेको छ । 

मुगुको छायाँनाथ रारा नगरपालिका पिनागाउँमा बस दुर्घटना हुँदा २३ जनाको मृत्यु भएको छ । नेपालगञ्जबाट मुगु सदरमुकाम गमगढी जाँदै गरेको भे १ ख १६७ नम्बरको बस भीरबाट करिब ३०० मिटर तल खसेको मुगुका प्रमुख जिल्ला अधिकारी रोमबहादुर महतले जानकारी दिए । 

मुगुमा बस दुर्घटना हुँदा १६ जनाको मृत्यु, १८ जना घाइते

भीरका कारण घाइतेको उद्धारमा कठिनाई भएपछि हेलिकप्टर मगाइएको उनले बताए । अहिले स्थानीय तथा सुरक्षा निकायको सहयोगमा घाइतेको उद्धार तथा मृतकको शव संकलन गर्ने काम भइरहेको छ ।