कर्णाली नदीमा आएको बाढीले खतराको सतह नाघेको छ । लगातार परेको वर्षाका कारण कर्णाली नदीमा पछिल्लो समय उर्लँदो भेल आएको छ ।
चिसापानी मापन केन्द्रमा गरिएको मापनअनुसार नदीको सतह ११ मिटर नाघेको छ । जिल्ला प्रशासन कार्यालय कैलालीले दिएको जानकारीअनुसार यो कर्णाली नदीको खतराको सतहभन्दा बढी हो ।
जिल्ला प्रशासन कार्यालयका अनुसार कर्णालीमा १० मिटर पानीको सतह सतर्कतामा पर्छ भने १०.८० मिटरलाई खतराको तह मानिने गरिएको छ ।
जिल्ला प्रशासन कार्यालय कैलालीले तटीय क्षेत्रमा सतर्कता अपनाउन आग्रह गरेको छ ।
त्यस्तै, प्रभावित क्षेत्रमा राहत तथा उद्दारका लागि सुरक्षाकर्मी परिचालन गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।