प्रधानमन्त्री शेरबहादुर देउवा बिहीबार बाढीपहिरोबाट प्रभावित क्षेत्रको स्थलगत निरीक्षणमा जाने भएका छन्। 

बुधबारको मन्त्रिपरिषद् बैठकले प्रधानमन्त्रीले सुदूरपश्चिमलगायत देशका विभिन्न भागमा बाढीपहिरो प्रभावित क्षेत्रको निरीक्षण गर्ने निर्णय गरेको हो । 

सरकारले बाढी–पहिरोबाट ज्यान गुमाउनेको परिवारलाई दुई लाख रुपैयाँ दिने, प्रभावितलाई घर बनाउन हिमाली जिल्लामा पाँच लाख, पहाडमा चार लाख र तराईमा तीन लाख उपलब्ध गराउने निर्णय गरेको छ । 

बैठकले बाढीपहिरोबाट विस्थापितलाई अस्थायी बसोबासका लागि तत्काल ५० हजार रुपैयाँ उपलब्ध गराउने र राज्यका सबै  संयन्त्र प्रयोग गरेर राहत तथा उद्धारलाई प्रभावकारी बनाउने निर्णयसमेत गरेको गृहमन्त्री बालकृष्ण खाणले जानकारी दिएका छन्।