एक अमेरिकी रिपोर्टमा भारतले रुसको सहयोगमा हाइपरसोनिक हतियार बनाउने प्रविधिको विकास गरिरहेको दाबी गरिएको छ । 

अमेरिकी स्वतन्त्र कंग्रेसियल रिसर्च सर्भिस (सीआरएस)ले आफ्नो नयाँ रिपोर्टमा अमेरिका, रुस र चीनसँग सबैभन्दा आधुनिक हाइपरसोनिक हतियार रहेको र भारत, अष्ट्रेलिया, फ्रान्स, जर्मनी र जापानले पनि हाइपरसोनिक हतियारको प्रविधि विकास गरिरहेको जनाइएको छ । 

सीएसआरका अनुसार अष्ट्रेलियाले हाइपरसोनिक हतियार बनाउन अमेरिकाको सहयोग लिइरहेको छ भने भारतलाई रुसको सहयोग प्राप्त भएको छ । 

भारतले सात वटा हाइपरसोनिक क्रुज मिसाइल विकास गर्न रुससँग सहमति गरेको समेत रिपोर्टमा उल्लेख छ । 

हालै मात्र एक बेलायती अखबारले गत अगष्टमा  चीनले हाइपरसोनिक मिसाइलको परीक्षण गरेको दाबी गरेको थियो । चीनले यो दाबीको खण्डन गर्दै हाइपरसोनिक मिसाइलको परीक्षण नगरिएको बताएको थियो ।