कोरोना भाइरसको सन्त्रास सारा संसारभर व्याप्त छ । सन् २०१९ को डिसेम्बरमा चीनको वुहानबाट फैलिएको भाइरसका अनेकन भेरियन्ट देखा परेका छन् । भाइरसले रोकिने नाम लिएको छैन ।

जोन्स होप्किन्स युनिभर्सिटीका अनुसार हालसम्म विश्वभर ४९ लाख ३७ हजार ४८२ जना संक्रमितले ज्यान गुमाइसकेका छन् भने २४ करोड २९ लाख ५६ हजार ४११ जनामा संक्रमण पुष्टि भइसकेको छ।

भाइरसबाट सबैभन्दा धेरै प्रभावित मुलुक हो- अमेरिका । अमेरिकामा हालसम्म ७ लाख ३५ हजार ३७१  जना संक्रमितले ज्यान गुमाइसकेका छन् ।

अमेरिकापछि ब्राजिलमा ज्यान गुमाउनेको संख्या धेरै छ । ब्राजिलमा हालसम्म ६ लाख ५ हजार १३९ जनाले ज्यान गुमाइसकेका छन् ।

छिमेकी मुलुक भारत संक्रमितका हिसाबले विश्वको दोस्रो र मृत्युका हिसाबले तेस्रो स्थानमा छ । भारतमा हालसम्म ४ लाख ५३ हजार ४२ जना संक्रमितले ज्यान गुमाइसकेका छन् ।

यसैगरी मेक्सिकोमा २ लाख ८५ हजार ९५३, पेरुमा २ लाख ३ , रुसमा २ लाख २४ हजार ३६९, बेलायतमा १ लाख ३९ हजार ७४३, इटालीमा १ लाख ३१ हजार ७६३ र  कोलोम्बियामा १ लाख २६ हजार ९९४ जना संक्रमितले ज्यान गुमाइसकेका छन् ।