स्वास्थ्य तथा जनसंख्या मन्त्रालयले नेपालमा थप ५१३ जनामा कोरोना संक्रमण पुष्टि भएको जनाएको छ ।

पछिल्लो २४ घण्टामा चार हजार ९७२ नमुनाको पिसिआर परीक्षण गर्दा ४३८ र एक हजार ९५९ नमुनाको एन्टिजेन विधिबाट परीक्षण गर्दा ७५ जनामा संक्रमण देखिएको छ । कुल ६ हजार ९३१ वटा स्वाब नमुनाको परीक्षण गरिएकोमा ५१३ जनाको नतिजा पोजिटिभ आएको हो ।

सो अवधिमा कोरोनाका कारण आठजनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या ११ हजार ३४५ पुगेको छ ।

देशभर ८१७ जना निको भएका छन् । योसँगै नेपालमा कोरोनामुक्त हुनेको संख्या सात लाख ८६ हजार ६३० पुगेको छ ।

स्वास्थ्य तथा जनसंख्या मन्त्रालयका अनुसार हाल देशभर सक्रिय संक्रमितको संख्या १० हजार ५५९ रहेको छ ।