पृथ्वी राजमार्गअन्तर्गत धादिङको गजुरीमा गुडिरहेका एउटा बसमा आज बिहान आगलागी भएको छ । 

सुर्खेतबाट काठमाडौं आउँदै गरेको ना६ख १४७१ नम्बरको यात्रुबसमा एक्कासी आगलागी भएको प्रहरीले जानकारी दिएको छ। 

बसमा आगो लागेपनि त्यसमा सवार ३६ जना यात्रु भने सकुशल रहेका छन् । बसमा रहेको सामान भने जलेर नष्ट भएको छ । 

बसको इन्जिनबाट धुँवा निस्किनेबित्तिकै बस रोकेर यात्रुलाई बाहिर निकालेका कारण मानवीय क्षति हुन नपाएको प्रहरीले जनाएको छ । राजमार्ग क्षेत्रमा रहेको दमकल र स्थानीयवासीले आगो नियन्त्रणमा लिइएका थिए ।