नेपाली कांग्रेसका वरिष्ठ नेता रामचन्द्र पौडेलले पार्टीको १४ औं महाधिवेशनमा आफू सभापतिको उम्मेदवार भएको बताएका छन् । उनले आफू स्वभाविक उम्मेदवार भएको बताएका हुन् ।
तर, उनले अहिलेसम्म सभापतिमा उम्मेदवारी घोषणा गरिसकेका छैनन् । उनको समूहले छलफलबाट एक उम्मेदवार घोषणा गर्ने बताएको छ ।
सभापतिमा पौडेलले दाबी गरे पनि उनको पक्षका शशांक कोइराला, शेखर कोइराला, प्रकाशमान सिंहलगायतले पनि सभापतिमा दाबी गरेका छन् ।
१३ औं महाधिवेशनमा पनि आफू सभापतिको उम्मेदवार भएकाले यसपटक पनि आफू सभापतिमा उठ्ने अब पौडेलले बताएका हुन् । बाँकेमा पत्रकारहरुसँग कुराकानी गर्दै पौडेलले यसपटक टिममा छलफल गरेपछि निर्णय हुने भन्दै आफू सभापतिमा उम्मेदवारी दिन तयार रहेको बताएका हुन् ।
‘छलफलबाट एक जना मात्र उम्मेदवार हुन्छ,’ उनले भने, ‘पार्टी अब संवैधानिक संकटमा परिसकेको छ, पार्टीको महाधिवेशन समयमा नै सक्न मैले सभापतिलाई ध्यानाकर्षण पनि गराएको छु ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
